طريقة عمل الجمبرى + سلطة الجمبرى

اولا احب اقول شكرا لكل اللى اهتم بالموضوع وان شاء الله نكون عند حسن ظنكم
المهم انا كنت عاوز اقول بس ان فى انواع مختلفة من الجمبرى واحسن نوع من الجمبرى عشان يتعمل بيه الاكلة دى هو الجمبرى المتوسط الحجم يعنى لا صغير اوى ولا الكبير اوى يعنى من الاخر اللى الكيلو منه 65 جنيه واللى معهوش فلوس ميعملش الاكلة دى


أولا المقادير :
3كوبايات دقيق أبيض - 3 كوبايات بقسماط - 2 بيضة - جمبري ني مش مسلوق - نصف كوباية لبن (بخيره)
ملح + فلفل أسود +توم ناعم + كمون + بقـدونس ناشف
وكل دة برضو على حسب ما انتى عاوزة برضو يعنى على حسب كمية الجمبرى

الطريقة:


أولا نظفي الجمبري كويس ويتغسل ويتحط فى المصفا
وبعدين نحط اللبن والبيض ويتحط فلفل أسود وكمون وتوم ناعم ويتحط على جمب


ونحط فى طبق تانى البقسماط جميع البهارات اللى احنا قلنا عليها قبل كده حسب الرغبة في إظهار النكهة المحببة ويتحط على جمب


ونحط فى طبق تانى برضو الدقيق . ثم نقوم أولا بتغميس الجمبري في الدقيق ومن ثم البيض ومن ثم البقسماط حتى تتغلف كل حبة مزبوط


وبعد نقلي الجمبري بزيت كتير وحامي ولكن على نار متوسطة الحرارة (ملحوظة ) خلى النار حامية على الطاسة الاول وبعدين بعد ما الزيت يسخن اوى وطى نار البوتاجاز

الصلصة الخاصة بالجمبري


المقادير:


بيضة واحدة + شوية زيت بس مش كتير+ملح+نص لمونة+ توم حوالى فصين



نضع في الخلاط اولا البيض ونحركه على السريع في الخلاط ونضيف الزيت شوية شوية حتى يصبح مثل المايونيز


ثم نضع التم والملح والليمون ويضرب كويس فى الخلاط


ويوضع في زبدية ونضع عليه ثلاث معالق اكل كاتشب وملعقة أكل مليانة خردل ويخلط ويوضع في صحن التقديم بس وبالهنا والشفا

شكرا يا سيف موضوع رائع

يااااااااااااااااااااااااااااااااااااااااااه ايه كل ده
تعتقد اننا ممكن نقف في المطبخ