بمناسبه رمضان وطبعا الكل جعان حاقدم لكم لعبه جامده للجعانين بس محدش يدخل غيرهم اسمها الله.........الوطن....................ام الخلول

زى ماهو واضح اللعبة دى للجعانين فقط
يعنى هنخشها لما نبقى جعانين بس ونتخيل احنا نفسنا ناكل اية
معلش بقى النهاردة فطرت خفيف و الفكرة دى جت فى بالى
منها هنعرف اذواق بعض فى الأكل
ومين هيقدر يجوع التانى اكتر من التانى
اكيد كل واحد فينا بيبقى نفسة يتغدى او يتعشى حاجة معينة
وكتير اوى بيلاقى ع السفرة حاجة عكسها تماما
وبيضطر يغير راية
هنا بقى خيال شوية
كل واحد هيتخيل الأكلة اللى بيحبها وهو بياكلها ازاى ومدى استمتاعة بيها
وبعد ما ياكل يقولنا كل اية من اللى كان بيحلم بية
وطبعا مفيش كسوف ..عادى جدا ..مسقعة ..كشرى ..عدس ..فول و طعمية قول ياعم ما تتكسفش
(انا بحب الأكل جدا على فكرة بس باتخن لفوق)

ولو فى شبعان دخل اللعبة دى
مع انى حذرت من دخول الشبعانين

يتفضل يقولنا هو بيحب عاما اكل اية
علشان نحضرهولة فى مطبخنا الصغير
وبردو يقولنا هو بيعرف يطبخ ولا توء توء
نبتدى بيا
-----------------------------------------------------------
انا باموت فى الكشرى وفتة شاورمة الفراخ والفراخ بكل انواعها
وعدى ياوعدى
ودلوقتى ميعاد غدا ...يعنى نفسى اتغدى فراخ كنتاكى وساندوتش زينجر سوبريم
وقطعة بيتزا عشاق الجبنة وسلطة كول سلو
وبطاطس محمرة غرقانة فى الكاتشاب
اقعد اطلع البطاطساية وانزلها فى طبق الكاتشاب لحد ما تغرق
واكلها بعد ما تموت



وعدى يا وعدى

وكباية عصير ...بس يكون غريب اول مرة اشربة
والحلو بقى .......مش عارف ..لما اكل الحادق الاول
يارب اللعبة تعجبكو
لما ارجع هاقولكو انا فطرط اية فعلا
واية ضاع من احلامى
و بعد كدة هاقولكو هااسصحر اية
يالا يا افتكاساتيه
كل واحد نفسة ياكل اية دلوقتى
عايزين نولعها

يا بني حرام عليك جوعتني
اعمل انا ايه اقوم افطر
هقولك بحب ايه بعد الفطار

لالالالالالالالالالالالا لازم دلوقتي علشان تقولي احلامك بعد الفطار خلاص اصل عين الصائم فارغه وعلشان نعرف ايه الي اتحقق من احلامك

ممم بما اني فطرت

الحمدلله

فعايزه اشرب دلوقتي عصير بس يكون فرش

ممكن نقول عصير جوافة

او عصير مانجة

او لو ممكن اشرب كاكاو مضروب في الخلاط

وياحبذا لو دلوقتي اقدر اكل ايس كريم ميجا بالشكولاتة

شوفي بس اللي انتي عايزاه ومن اقرب محل واطلبي الحساب عندي
انا بقي عايز اكل بيتزا