تابع ..............كله ممكن يقف فى المطبخ(طريقة عمل البامية)

انا شايف ان الطلب كان بامية عموما انا هديكوا وصفتين واحدة من عندى و واحدة من كتاب ويا رب تعجبكوا
المقادير ... ( دى اللى فى الكتاب )

1. ربع كيلو بامية
2. نصف كيلو لحمة بدون عظم أو فراخ بس اللحمة احلى عموما اعملى حسب الميزانية
3. ثلاث فصوص توم صحاح واثنين مدقوقين ناعم00
4.ملعقتين دبس الرمان _(فصوص الرمان يعنى )00
5. حزمة كزبره مدقوقه ناعم00
6. ملح حسب الرغبه00
7. حبه فلفل أخضر حار ”حسب الرغبه“ و الفلفل الاخضر عشان الطعم بس مش اكتر
8. زيت للقلي00
9. صلصة مقدار ملعقتين إلى تلات معالاق
الطريقه: كل البنات معايا بقى عشان ايه مش عاوزين المطبخ يولع وربنا يستر
اسلقي اللحمة او الفراخ بالطريقة المعتادة يعنى تغسليها وتحطيها فى المياه وتحطى مكعب ماجى وكده يعنى

على ماتستوي اللحمه قمعي الباميه يعني القشره اللى موجودة على راس البامية يعنى خليها كلها شكل واحد عشان يبقى شكلها حلو وعشان المادة اللى جواها متتطلعش ...
ولا تحاولي تشيلي القشره بخط مستقيم


بعدين اغسلي الباميه وصفيها من الماء كويس00


إقليها بالزيت الحار جدا لمدة من دقيقه إلى دقيقتين أوحتى يحمر لونها00


قلي الثوم الصحيح مع قرن الشطه بعد ماتقطعيه نصفين بقليل من الزيت إلى أن يحمر الثوم قليلا يعني أول مايبدا يتغير لونه مش تحرقوه بلاش عبط
بعدين حطيه فوق اللحمة الى استوت وحطى الصلصة وحبات الرمان وخليه لغاية ما تستوى البامية وحطى كل الاضافات اللى احنا عملنها قبل كلها
وقبل ما تستوى البامية بدقيقتن كده حطى التوم والكزبرة الناعمين
ويقدم مع الرز الأبيض00
ملاحظه:
الفلفل الأخضر للنكه فقط يعني الطبخه مابتكون سبايسى0
ملحوظة كمان اللى ناوى يعملها يبعتلى طبق صغير ادوقه لحسن انا جعت بصراحة

وبالهنا والشفا

الطريقة التانية بتاعتى

كيلو لحم ضاني ** كيلو الا ربع بامية

معلقة وربع توم مفروم كبيرة

زيت اوسمنة للتحمير ** كوب كبير من عصير الطماطم ( طماطم مضروبة فى الخلاط)

3 كوب من مرقة اللحمة الضاني

ملح وفلفل اسود وتوابل زى ما تحب

**الطريقة:-تتسلق اللحمة الضانى نصف تسوية وتسبيها على جمب

نقوم بتجهيز البامية للطبخ بغسلها وتقليمها او باميه (جاهزة) تحمرى

البامية بالسمنة لمدة خمس دقائق على النار وتتساب على جمب برضو وبعدين

نحط السمنة فى الطاجن وبعدين نحطله التوم وتحمرى

لحد ما يبقى لونها دهبى شوية وبعدين يا ستى تعملى ايه بقى
نحط الطماطم المضروبة فى الخلاط ونسبها على النار لغاية ما تغلى
خالص
وبعدين نحط عليها المرقة بتاعتة اللحمة الضانى وبما ان الميزانية متسمحش بلحمة ضانى فا ممكن تبقى لحمة عادية عشان الضانى غالى
ونسبها على النار تانى بعد ما نحط المرقة لغاية ما تغلى برضو
وبعد كده نحط ملح وفلفل حسب ما احنا عاوزين والتوابل والذى منه وبعد
كده نيجى للمفيد نحط البامية اللى احنا سبنها على جمب واللحمة برضو فى الطاجن ونوطى نار البوتاجاز

لغاية ما تغلى تانى
وبعدين تشليها من على النار وتحطيها فى الفرن لغاية ما تاخد وش وبالهنا والشفا يا جماعة بس امانة عليكوا اللى يعملها يبعتلى شوية وكل سنة وانتوا طيبين

شكرا يا شيف سيف والله مش عارفه اقولك ايه

دبستنا كده يا استاذ سيف